નવરંગી જીવન
નવરંગી જીવન
નવરંગોના વરસાદની જેમ હું,
જીવન મારૂં તરબતર કરૂં છું,
મારી કલમ અને સંગીતથી હું,
સાહિત્યમાં પ્રાણ પુરૂં છું,
શબ્દ સાગરના મોતીઓથી હું,
ગઝલોને શણગારૂં છું,
મારા સંગીતના મધુર સ્વરોથી હું,
સાહિત્ય પ્રેમીઓને ડોલાવું છું,
નથી અભિમાન મને મારી કળાનું,
હું નિર્મળતામાં રહેનારો છું,
સાહિત્ય સંગીતનો સાધક છું હું,
માઁ સરસ્વતીનો બાળક છું,
ભલે હું વયોવૃધ્ધ છું છતાં પણ,
કલમ અને સંગીતથી હું યુવાન છું,
સાહિત્ય-સંગીતમાં મગ્ન બની "મુરલી",
મારૂં જન્મ સફળ કરનારો છું.