નિશાળ મારી કેવી રૂપાળી !

બાળકો આવે રમતાં રમતાં,

સૌ સંગે ઉત્સાહથી ભણતાં,

સ્નેહ -પ્રેમની થાય લ્હાણી,

નિશાળ મારી કેવી રૂપાળી!

નાના-નાના ભૂલકાઓ મલક્તાં,

કાલી-ઘેલી વાતોમાં પરોવતાં,

બાળકો ભણે ને થાય રાજી,

નિશાળ મારી કેવી રૂપાળી !

વિજ્ઞાનના પ્રયોગો કરીએ અવનવા,

ગણિતના કોયડાઓ નવા નવા,

શીખતાં બાળકો થાકે ના કદી,

નિશાળ મારી કેવી રૂપાળી !

કાર્યાનુભવને વ્યાયામ કરાવીએ,

ઉત્સવો સૌ સંગે મળી ઉજવીએ,

કામ કરતાં સૌ હળી- મળી,

નિશાળ મારી કેવી રૂપાળી !

પ્રજ્ઞાનો વર્ગ, પ્રવૃતિઓને સંગ,

મૂલ્યાંકન કસોટી લાવે નવો રંગ,

બાળકો તો જાણે ઊઠે ખીલી,

નિશાળ મારી કેવી રૂપાળી !