મોહન
મોહન
શ્યામ કેરું મુખડું જોને કેવું છે મનોહર !
રૂડું તેજ છલકાય જોને થયો હોય ચંદ્રોદય,
મલક મલક મલકાય એતો, સુદર્શન જેના કરમહી;
રેલાઈ રહ્યા છે અનેક રહસ્યો જેના હાસ્યમહી,
મોહ પમાડે તેવા લોચન, વર્ણ છે જેનો શ્યામ;
મહેક મહેક થાતું સઘળું, જાણે હોય વૈકુંઠધામ,
નટખટ નંદલાલે સૌને બનાવ્યા લંપટીય;
ખેંચાઈ રહ્યા સહુજન બનીને ચુંબકીય,
હરી કેરી માયા નિહાળી, બન્યા સૌ કોઈ મોહિત;
અપરંપાર લીલાઓથી, બન્યા સૌ કોઈ સંમોહિત,
જીવન કેરી રાહ ચીંધી, બન્યો એ પથદર્શક;
માનવને માનવ બનાવ્યા, છે સૌનો એ રક્ષક,
જશોદાનો જાયો એ તો, છે બહુ અનાડી;
જીવન જીવતા શીખવ્યું, બની પોતે જ ખેલાડી.