મજા અનેરી

આંગણે સજી છે રંગોની રંગોળી

દરવાજે લાગે એ તો નિરાળી

તહેવાર થકી જીવતરમાં મજા અનેરી...!

શણગાર સજી ઊભી છે નાર

અધૂરી સમજે એ વિના સહકાર

તહેવાર થકી જીવતરમાં મજા અનેરી...!

મસ્તી કરતી આંગણે ઊભી છે ટોળી

રંગ ભરી પિચકારી ઉજવે છે હોળી

 તહેવાર થકી જીવતરમાં મજા અનેરી...!

સૌ સંગાથે પરિવારની રોનક અનેરી

વિના તહેવાર જાણે જિંદગી અધૂરી

તહેવાર થકી જીવતરમાં મજા અનેરી...!

પ્રેમથી બનેલી જિંદગીની રંગોળી

ખીલી ઊઠે સૌ સંગે દીપોથી દિવાળી

તહેવાર થકી જીવતરમાં મજા અનેરી...!

નાનાં મોટાં સૌની પ્રિય આ નવરાત્રી

જગદંબાની ઉપાસનાથી શોભે રાત્રી

તહેવાર થકી જીવતરમાં મજા અનેરી...!