મચ્છુ

મચ્છુ તારાં ખોળે અકલ્પિત થયું,

કે કાળનો કોળિયો જીવતર થયું, 

 કે હાસ્ય રુદનમાં ફેરવાયું !

મચ્છુ તારાં નામને કર્યું બદનામ,

ઝૂલતાં પુલે મોત ઝૂલ્યાં,

કે હાસ્ય રુદનમાં ફેરવાયું !

દિવાળીનો ચળકાટ, હૈયે ઉમંગ અપાર,

ખુશહાલીનો તહેવાર, માતમને સંગાથ, 

કે હાસ્ય રુદનમાં ફેરવાયું !

કોના માથે હોનારતનો દોષ,

એકબીજાને જયાં દેતાં સૌ દોષ,

કે હાસ્ય રુદનમાં ફેરવાયું !

છેલ્લી સેલ્ફીને છેલ્લો વીડિયો, 

સમાજને એ પાઠ ભણાવતાં,

 કે હાસ્ય રુદનમાં ફેરવાયું !

ગત જીવની સદગતિ પ્રાર્થીએ,

દુર્ઘટનાથી બોધ મેળવીએ,

ભાતૃત્વની ભાવના કેળવીએ,

કે હાસ્ય રુદનમાં ફેરવાયું !