માવતરને નવ ભૂલશો રે લોલ
માવતરને નવ ભૂલશો રે લોલ
સગા સંબંધી ભલે સાથમાં રે લોલ
માવતરની તોલ નવ થાય રાજ
હો માતપિતાને નવ ભૂલજો રે લોલ
પથ્થરને દેવ માની પૂજીયા રે લોલ
ત્યારે દીઠું તમ મુખ જો
હો માત પિતાને નવ ભૂલજો રે લોલ
તડકા એણે ખૂબ વેઠીયા રે લોલ
છાયામાં રાખે એ બાળ જો
હો માત પિતાને નવ ભૂલજો રે લોલ
પેટ સંતાનોના ભરવા રે લોલ
ભૂખે સૂઈને કાઢે રાત જો
હો માત પિતાને નવ ભૂલજો રે લોલ
સપના પોતાના એ ભૂલતા રે લોલ
સપના તમારા કરે પૂર્ણ જો
માત પિતાને નવ ભૂલજો રે લોલ
દુનિયા આખી પગ ખેચશે રે લોલ
માવતર જ ઝાલે તમ હાથ જો
માત પિતાને નવ ભૂલજો રે લોલ
ભગવાન આવે જો કદિ આંગણે રે લોલ
માનવ હરખઘેલો થાય જો
માત પિતાને નવ ભૂલજો રે લોલ
રાહ જુએ કોણ એની રે લોલ
માવતર મારે મન ભગવાન જો
માત પિતાને નવ ભૂલજો રે લોલ