જીવન પરીક્ષા

માનાં ઉદરમાં શાંતિ અપાર

જન્મ થતાં સાથે જ પરીક્ષા,

ચાલતા બોલતા શીખ્યા ત્યાં તો

બાલમંદિરની આવી પરીક્ષા,

શાળા એટલે જ્ઞાનનું મંદિર

એના બદલે ત્યાં પણ પરીક્ષા,

કોલેજમાં તો છૂટયા બંધન

સામે ઊભી જીવન પરીક્ષા,

નોકરી ધંધા, રોજી રોટી,

આ તો જાણે ડબલ પરીક્ષા,

દાંમ્પત્ય જીવનનું સુખ પણ

નિભાવવામાં ખરી પરીક્ષા,

માવતર થઈને સમજણ આવી

જવાબદારી તણી પરીક્ષા,

જીવન આમ જ પૂર્ણ થાય 

વારાફરતી આવે પરીક્ષા,

ઈશ્વરે ખુદ પૃથ્વી ઉપર

પલ પલ આપી હતી પરીક્ષા,

અનામિકા તો પામર જીવ

તું પણ આપી દે ને પરીક્ષા.