મારી કાજલ રાણી

એક બ્યુરોમાં ભટકાણી

એને નૃત્ય ગમતું જાણી

થયો જોતા જેને પાણી

એને પરણી ઘેર આણી

એ મારી કાજલ રાણી 

ખુશીની કરતી લ્હાણી

લેતી હર પળ માણી  

જીવન જાણે ઉજાણી

ચ્હા છે જેને મન પાણી

એવી મારી કાજલ રાણી

નાચતા કદી ન ધરાણી

નચાવે હર કોઈ પ્રાણી

બચ્ચા, બૈરાં કે ઘરધણી

પગમાં ભરતી એ વાણી

એવી મારી કાજલ રાણી

ફક્ત તીખી ભાવે ખાણી

કદીક તીખી એની વાણી

ખૂબ પ્રેમે થાય ભરપાણી 

માટે દિલની છે પટરાણી

એવી મારી કાજલ રાણી !