મારી જિંદગીની યાદગાર પળો

હું ડરતી ડરતી આવી હતી ને રડતી રડતી જઈશ,

ડરતા મન સાથે કૉલેજમાં ભરેલું એ પહેલું ડગલું,

અને

રડતા હૃદય સાથે વિદાયમાં ભરેલું એ છેલ્લું ડગલું.

આ સમય દરમ્યાન જીવાયેલી એ અમૂલ્ય ક્ષણો,

મિત્રો સાથેની મોજ, ક્લાસ માં કરેલી મસ્તી,

પેલી પાટલી એ બેસવાની એ જીદ,

જુદા જુદા કાર્યક્રમોમાં ભાગ લેવાની મજા,

પ્રોફેસર સાથે વૃક્ષ નીચે બેસીને કરેલી મનની એ વાતો,

અંગ્રેજીના ક્લાસમાંથી મારેલી ગુલ્લી,

ને શિયાળા ની સવારે તડકા માં બેસીને,

મિત્રો સાથે કરેલી મોજ,નહિ ભૂલી શકાય.

જ્યાંસુધી ધબકતું રહેશે મારું હૃદય ત્યાં સુધી,

કોલેજ ની આ પળો મારા નસે નસમાં ધબકતી રહેશે...