મારા દીકરાની વહુ નથી

મારા દીકરાનાં લગન થઈ ગયા 

પણ એની વહુ જ નથી,

સાંભળી ને અચરજ થાય,

પણ સમજો છો તમે જેવું એવું નથી,

સવારનો નાસ્તો,

બપોર અને રાતનું જમવાનુ બનાવતી એ અમારી અન્નપૂર્ણા છે,

મને મારી દવાઓ સમયસર લેવાનું યાદ અપાવતી એ મારા ઘરની ડોક્ટર છે,

આખું ઘર સજાવી ને સરસ મજાનું રાખતી એ મારા ઘરની ઈન્ટેરિયર ડિઝાઈનર છે,

બધા ને શું પહેરવું અને કેવા કપડાંમાં કેવા લાગશે એ જણાવતી એ અમારી ફેશન ડિઝાઈનર છે,

બાળકો માટે હાલતી ચાલતી પાઠશાળા છે,

એ એમ તો હજી પોતે પણ નાચતી ગાતી બાળા છે,

એને મળેલા ઘર ખર્ચના પૈસામાંથી બધાંને ખુશ રાખનાર અને ઘરની જરૂરિયાત એમાંથી જ પૂરી પાડનાર નાણાં પ્રધાન છે.

ઘરને ખુશીયોના ભંડારથી ભરતી એ અમારી લક્ષ્મી છે,

એ મારા ઘરના માન મર્યાદાનું પ્રતીક છે,

અને સૌથી વિશેષ કોઈ બીમાર હોય તો એનું ખાસપણે ધ્યાન રાખતી અને ક્યારેક તો ગુસ્સાથી દબડાવી દેનાર વહાલસોયી દીકરી છે સાહેબ...

એ માત્ર મારા દીકરાની વહુ નહીં અમારા ઘરની લાઈફ લાઈન છે.