માનું સ્થાન

ઈશ કરતાં પણ આગળ છે " મા " સ્થાન તારું. 

સૌથી સવાયું જળવાવું ઘટે " મા" માન તારું. 

તારા પછી જ સ્મરણ પ્રભુનું જગમાં થનાર છે,

સંતાનને વાત્સલ્યનું સર્વશ્રેષ્ઠ " મા" દાન તારું. 

પોતે પામી પીડાને પાલ્યને પરિતોષ તું આપનારી,

યુગોયુગો સુધી થતું રહેશે " મા" યશોગાન તારું. 

ઈશ્વરની પ્રસન્નતાથી કદાચ " મા" ન મળી શકતી,

"મા" ના રાજીપાથી ઈશ થાય આગમન તારું. 

જગતના બધા જ પ્રેમમાં નિ:સ્વાર્થ પ્રેમ જનેતાનો,

હરિ તેં પણ રખે સોંપ્યું હશે " મા" ને સુકાન તારું!