લગામ દઈએ

જીવનમાં ઈચ્છાઓ અનેક છે,

એ ઈચ્છાઓ પૂર્ણ કરવા સંઘર્ષ અનેક

ચાલને એ ઈચ્છાઓને થોડી લગામ દઈએ !

વાણી નોતરે સર્વનો વિનાશ

વાણી થકી ખેલાય મહાયુદ્ધ

ચાલને એ વાણીને થોડી લગામ દઈએ !

પાણી છે જીવન સર્વ સજીવ

પાણી છે મર્યાદિત સ્ત્રોત ધરા પર

ચાલને એ પાણીના વપરાશને લગામ દઈએ !

સંગ્રહ કરવાથી રહે છે ભૂખ્યા ગરીબ બાળ

સંગ્રહ થકી થાય બગાડ અનાજ ઢગ

ચાલને એ સંગ્રહવૃતિને થોડી લગામ દઈએ !

વૃક્ષો થકી ધરા બને હરીભરી

વૃક્ષો વિનાની વસુંધરા લાગે ઉજ્જડ

ચાલને એ વૃક્ષોના કાપ પર લગામ દઈએ !