લાવ જોઈએ

જિંદગીનો કિનારો લાવ જોઈએ,

ભાગ્ય તારો સહારો લાવ જોઈએ.

રોજ પીડા ધરે છે દિલથી હરજાઈ,

એ સનમનાં પ્રહારો લાવ જોઈએ.

માંગણી એ કરે છે શ્વાસનાં રૂપે ,

જીવતરનો ઘસારો લાવ જોઈએ.

એ ખુદા વાત કરશે રૂબરૂ આવી,

આંખમાં એ નજારો લાવ જોઈએ.

કેમ વેરાન છે આ બાગ ભીતરનો!

પુષ્પ વાવી બહારો લાવ જોઈએ.

જિંદગીને વર્યો છું હું ખુમારીથી,

મોત થોડો ઠઠારો લાવ જોઈએ.

શું નિરાશા લઈ 'આભાસ' બેઠો તું

એક તાજો તિખારો લાવ જોઈએ.