કાનુડે ન જાણી મોરી પીર

કાનુડે ન જાણી મોરી પીર,

બાઈ હું તો બાળ કુંવારી રે,

કાનુડે ન જાણી મોરી પીર.

જલ રે જમનાનાં અમે પાણીડાં ગયાં 'તાં,

વહાલા કાનુડે ઉડાડ્યાં આછાં નીર,

ઊડ્યાં ફરરરરરરરરરર રે. કાનુડે...૧

વૃન્દા રે વનમાં વ્હાલે રાસ રક્યો ચે,

સોળસેં ગોપીના તાણંયાં ચીર,

ફાટ્યાં ચરરરરરરરરરરર રે. કાનુડે...૨

હું વેરાગણ ક્હાના તમારારે નામની રે,

કાનુડે માર્યાં છે અમને તીર,

વાગ્યાં અરરરરરરરરરરર રે. કાનુડે...૩

બાઈ મીરાં કહે પ્રભુ ગિરિધર નાગર,

કાનુડે બાળીને કી ઊંચે ગિર,

રાખ ઊડી ફરરરરરરરરરર રે. કાનુડે...૪