કાનુડાના બાગમાં

એ… કાનુડાના બાગમાં (૨)

ચંપો ને ચંપે આવ્યાં છે ફૂલ.

ફૂલ કેરે સાહેલડી તે સાયબો મારો માને નહીં કેમ.

કેમ બોલે રે તારા દિલડાં ઉદાસીમાં છે…

એ… વાલા મને ઉતારામાં ઓરડા ને કાંઈ મેડીના મોલ

મોલ કેરે સાહેલડી તે સાયબો

મારો માને નહીં કેમ… કેમ...

એ… સાજનને ભોજન લાપશીને કં કઢિયેલ દૂધ,

દૂધ કેરે સાહેલડી તે સાયબો મારો માને નહીં કેમ… કેમ...

એ… પ્રીતમને પોઢણ ઢોલીયાને કાંઈ હિંડોળા ખાટ,

ખાટ કેરે સાહેલડી તે સાયબો મારો માને નહીં કેમ…કેમ.