જિંદગીની પરીક્ષા.

ડગલે ને પગલે આવતી પરીક્ષા જિંદગીની. 

ક્યારેક એ કેટલી તાવતી પરીક્ષા જિંદગીની. 

નિજથીય અધિક સ્નેહ કરી બેઠો જિંદગી,

ક્યારેય કદી ન ફાવતી પરીક્ષા જિંદગીની. 

માંડ શાંતિનો શ્વાસ લઈએ કદી આરામથી,

ત્યાં ઓચિંતી મૂંઝાવતી પરીક્ષા જિંદગીની.

ફૂલગુલાબી જીવન કેવળ કલ્પનામાં રહ્યું ને,

મધ્યાહ્ને રણમાં હંફાવતી પરીક્ષા જિંદગીની. 

પરિણામે શું એ આપતી નથી ખબર હજુએ,

આયોજનો બધાં ખોરવતી પરીક્ષા જિંદગીની.