જાયા

સુખ અને દુઃખમાં સાથ નિભાવે છે જાયા.

પુરુષનું અડધું અંગ બની આવે છે જાયા.

સંસારરથના બે પૈડાં જ સમજી લોને તમે,

હૂંફ, સ્નેહને આદરને એ બતાવે છે જાયા.

ભોજનમાં માતા સમાન બનીને રહેનારીને,

પતિની અન્નક્ષુધાને કેવી મિટાવે છે જાયા.

કાર્યમાં ધરી લે છે રૂપ એ નૃપમંત્રી તણુંને,

સલાહ સાચી દૈ ફરજ બજાવે છે જાયા.

રહે છે પતિની હારોહાર ઊભી હરવખતે, 

શયનખંડમાં રોલ રંભાનો ભજવે છે જાયા.

બનીને પ્રક્ષેપ પતિનો ; સાથોસાથ ચાલનારી,

સમર્પણ થકી જીવનને એ દીપાવે છે જાયા.