જાય છે
જાય છે
આંખનાં ખૂણામાં થીજાવીને સાચવેલા સપના,
ઉષ્માનાં કિરણો પડતા આંખોમાં જ રેલાઈ જાય છે.
ઈશ્વર તારી લીલા સમજાતી નથી,
ફૂલો ડૂબે છે ને પથ્થરો તરી જાય છે.
ટીકા-ટિપ્પણી અને ભૂલો શોધનારા
પોતાનાં અંતરમાં ઝાંકવાનું ભૂલી જાય છે.
ટોચનો ભાર તો ધરતી જ ઝીલે છે,
વૃક્ષો કુંપળો વગર થોડા ઊગી જાય છે.
માનવના મન કળવા અકળ છે,
મતલબ માટે ઈશ્વર પણ બદલાઈ જાય છે.
જીવન જીવવા માટે ખુશી જ જરુરી નથી,
વંટોળિયા વચ્ચે તરણું પણ તરી જાય છે.