જાવું છે
જાવું છે
1 min
248
નહીં પડે ખબર આજ કોઈને, નીરવ બનીને જાવું છે,
ન પુછતા કારણ મને, એક પહેલી બનીને જાવું છે,
નથી થવા દીધી ક્યારેય ખરાબ, મેં, મારી તસ્વીરને,
તમે ઝાંખી નહીં થવા દો, તે વિશ્વાસ મુકીને જાવું છે,
આ નવરંગી દુનિયામાં ખૂબ હર્યો છું ફર્યો છું,
આજ તો મારે કાંટાળી કેડી ખેડીને જાવું છે,
નહીં પડે જરૂર ભોમિયાની મને, આ રસ્તે આજ,
અણધાર્યો રસ્તો છે, ત્યાં ક્યાં પુછીને જાવું છે,
નહીં દઈ શકે તુ જવાબ કોઈના આજે "નીરવ",
તારે તો આજ, કાયમનું મૌન ધરીને જાવું છે.