ઈશ્વર
ઈશ્વર
ભક્તોનાં અંતરને પણ વાંચનાર છે ઈશ્વર,
વગર શબ્દે પણ એ સમજનાર છે ઈશ્વર,
છે એ તો ભાવભૂખ્યા ભાષાની શી જરૂરત ?
બંધ ઓષ્ઠને પણ એ સાંભળનાર છે ઈશ્વર,
વગર તારે અંતર આરઝૂ એને પહોંચી જતી,
દિલની દાસ્તાનને એ સ્વીકારનાર છે ઈશ્વર,
જગતનાં કણેકણમાં વ્યાપતો એ સૂક્ષ્મરૂપે,
અણીના વખતે ક્ષણમાં આવનાર છે ઈશ્વર,
પૂરેપૂરું ભાન છે ભક્તવત્સલ બિરુદનું એને,
ભક્તલાજ સાચવવા હાજરાહજૂર છે ઈશ્વર.