હવે તો રામ આવશે
હવે તો રામ આવશે
ઓ મનવા તું ધર ને ધીરજ..
છોડ હવે કાયાની માયા !
તારા આતમને અજવાળ,
હવે તો રામ આવશે !
કર્યા કીધા કર્મો તે તો..
જાણે હો ઘાંચીનો બળદ !
તારા ખભેથી ધૂરી ઉતાર,
હવે તો રામ આવશે !
જોને આખું આયખું વિતાવ્યું..
રોટલા ને ઓટલામાં !
કેવો થાક્યો છે આ જીવ,
હવે તો રામ આવશે !
જિંદગીનો સૂરજ પહોંચ્યો...
આથમણી પશ્ચિમની કોર,
સિંદુરી સજી છે સાંજ..
હવે તો રામ આવશે !
મોહ-માયાની ગઠરી છોડો..
સમેટી લો ને દોડધામ સઘળી !
પ્રભુમિલન નો કર ઇન્તજામ,
હવે તો રામ આવશે !
હવે તો રામ આવશે !