Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lina Patel

Fantasy

4  

Lina Patel

Fantasy

હળવાશ ૨૭

હળવાશ ૨૭

1 min
22.3K


અભય છે સદા, હર ડગરના વિહારે; 

કરે છે જે યોજન, અગમના ઇશારે.


પળોજણ કરો એ તો શૈલી તણી છે; 

ગુજારા તો ચાલે, સમયના સહારે.


ભમો કેટલું, આ જીવનના વમળમાં?

તરો ના તરો, ત્યાં તો ફરશું કિનારે. 


મુસાફર બનીને, ભરી લો આ અંતર;

બને છે કે, રસ્તા ન લઈ જાય આરે.


વહાવી શકે જે, આ શબ્દોને લયમાં;

નિજાનંદ પામી એ ખુદને વિસારે.


બતાવે છે મારગ, હરીને વિમાસણ;

નિખાલસ બની, જે કલમને નિતારે. 


અનાયાસ પામે છે, હળવાશ દિલની;

વલોવી હૃદય, જે ગઝલમાં ઉતારે.


સહજ છે, સરળ છે, સતત છે, સખત છે; 

સકળ છે જે 'અવનિ', જગતને નિખારે .


Rate this content
Log in

More gujarati poem from Lina Patel