હાલને ભેરુ.

હાલને ભેરુ આપણે માનવતાનાં શિખર ચડીએ,

હાલને ભેરુ આપણે માનવતાને સર્વસ્વ ગણીએ,

 

સર્જન શ્રેષ્ઠ ઈશનું માનવ તો બીજે શાને શોધીએ ?

હરેકમાં હરિ હોય સમાયો એમાં જ એને મળીએ,

જનસેવામાં હરિવર રાજી કામ હરિના એ કરીએ,

સર્વવ્યાપી સર્વેશ્વર બિરાજે એમાં જ એને પૂજીએ, 

સેતુ બાંધીએ માનવ માનવથી એમાં હરિ પરખીએ,

મંદિરવાળો શોધતો આપણે, આપણે શાના ગોતીએ ? 

જનેજનમાં જગદીશ બિરાજે જીવમાત્રમાં ભાળીએ,

ભૂખ્યાંની સંતૃપ્તિમાં સાદ પ્રભુનો હંમેશાં સાંભળીએ.