ઘરની બેઠક

સવારે સૌ સાથે બેસે

એકબીજા સાથે વાતો થાય

આરતી દીવાબત્તી કરે

ઈશ્વરની પૂજા થાય

સૌને ગમે એવી રસોઈ

સૌ સાથે સાથે બેસી જમે

કુટુંબની સુખદુઃખની વાતો

દિવસમાં એક વખત પણ થાય

ઘરની બેઠક કરે વડીલ

એક બીજાની તકલીફ પૂછે

સૌ સારાવાના સમજી

એકબીજાને સમજતા જાય

ઘરની બેઠકમાં થાય ચર્ચા

સામાજિક વ્યવહાર વિશે

દરેક પ્રસંગે કુટુંબની વ્યક્તિ

ખભે ખભા મિલાવીને કામ કરે

ના ઉકલે કદાચ પ્રશ્નો

સોલ્યુશન માટે વિશેષ વાત થાય

સમજાવટથી મામલો થાળે

મનદુઃખ પણ ઘણા ઘટે

જે કુટુંબમાં વ્યક્તિઓ

ઘરની બેઠક કરતા નથી

ઘરના પ્રશ્નો ગૂંચવાતા જતા

સમજશક્તિ ઘટતી જાય

કુટુંબ ક્લેશને અવકાશ મળે

કુટુંબનું વિઘટન થાય

મનમરજી થઈ જીવતા લોકો

વડીલને ના ગણકારતા જાય

પડે ભેદ કુટુંબમાં તો

કુટુંબ વ્યવસ્થા તૂટતી જાય

એટલા માટે થાય ઘરની બેઠક

ઘરમાં સૌ હળીમળીને રહેતા થાય