એવી હોય છે મમ્મી

જેની આંખોમાંથી સતત વરસે પ્રેમની અમી

એવી હોય છે મમ્મી.

જેનો હાથ માથે ફરતા દૂર થવા માંડે દરેક કમી

એવી હોય છે મમ્મી.

તને આ જગમાં લાવવા જેણે અસહ્ય વેદનાઓ ખમી,

તને જમાડ્યા વગર જે ના હોય એક કોળિયો પણ

ક્યારે હોય જમી, એવી હોય છે મમ્મી.

બાળક બની તારી સાથે એ દરેક રમત રમી,

યુવાનીમાં તારી સખી પણ એ બની,

ભલે તને ના ગમી હોય તારા હિત માટે કરેલી એની રોકટોક.

એણે તો તારા ગુસ્સા ભરી વાતો કરી અવગણી

એવી હોય છે મમ્મી.

તારી તોતળી ભાષા ફક્ત એણે જ જાણી,

ભલે તે કરી હોય એની કેટલી વાતો અનસુણી

એવી હોય છે મમ્મી.

તારી ખુશીમાં હસી

તારા દુઃખમાં ભરાણી એની આંખલડી

જોજે આવા ના દેતો એની આંખ માં ક્યારેય નમી,

એ તો સદા દેશે આશિષ તને,

ભલે તું ભૂલ થી પણ દુભાવે એની લાગણી.

કેમ કે,એવી હોય છે મમ્મી.