દોસ્ત

વસંતને પાનખર તો આવ્યા,

કરે તું અડગ રહેજે દોસ્ત,

જીવનમાં પ્રલોભનો લલચાવ્યા કરે,

તું અડગ રહેજે દોસ્ત.

ઘટમાળ જ જીવનની એવી,

કે સુખ કરતાં દુઃખ હોય ઝાઝાં, 

બની આફતને એ તો ડરાવ્યા કરે,

તું અડગ રહેજે દોસ્ત !

મારી- તારી વાતોને કાને ધરવાથી,

મનોબળ નબળું પડતું, 

લોકમાન્યતા કદીએ ફસાવ્યા કરે,

તું અડગ રહેજે દોસ્ત!

ટીકા ટિપ્પણી નથી માપદંડ આપણા,

કર્તવ્ય તણો લેશમાત્ર, 

નાની સફળતાને એ વધાવ્યા કરે,

તું અડગ રહેજે દોસ્ત !

સો ટચ વાત સોનાની કે,

તારી પ્રગતિથી નથી રાજી કોઈ,

નાની મોટી ભૂલોને બતાવ્યા કરે,

તું અડગ રહેજે દોસ્ત !