દેડકી બોલી
દેડકી બોલી
દેડકી બોલી જોઈ દેડકાના હાથમાં દારૂ,
કે શું છે આ બલા જે જોઈને ભૂલો છો વહુ-વારુ ?
બોલ્યો દેડકો કે તને નહિ આ માયા સમજાય,
મારા માટે તો આખી દુનિયા આમાં સમાઈ જાય.
જોઈ લઉં જ્યારે હું એકવાર આ ભરેલી બોટલ,
ભૂલું હું જવાનું બધા ક્લબ, રિસોર્ટ ને હોટલ.
દુનિયાભરની ચિંતાનો ઈલાજ આમાં સમાય,
જોઈ એને મારુ મન સઘળો સંસાર ભૂલી જાય.
એક નહિ પણ લાખ અકાશગંગાની આ સફર,
બેઇલાજ બાબતોનો આ ઈલાજ અફર.
દેડકી બોલી નથી સમજાતી આ તે કેવી માયા,
બદલી નાખે આ વેશને પલટાવી નાખે કાયા.
આ બોટલ ભૂલાવે છે સૌ સાથેનું સગપણ,
બલા છે આ ભૂલાવે છે કોણ છું હું પણ.
આ પીધા પછીનો ઈલાજ ન કરી શકે કોઈ વૈદ્ય,
ન ઉતરે એનો નશો કરો ગમે તો માનતા કે નેવૈદ્ય.
આકાશગંગાની નહિ ગટરોની કરો છો સફર,
મૂકી દો આ, ઈલાજ નહિ કરી શકે કોઈ પણ ડૉક્ટર.