આવો તમે

ન કેવળ શબ્દો લગી એના સાર સુધી આવો તમે,

ન કેવળ વિચાર લગી કે આચાર સુધી આવો તમે,

વાણીવિલાસની ભરમાર ના કશું આપી શકે કદી,

ન કેવળ ચક્કર લગી કે આધાર સુધી આવો તમે,

ટાપટીપ કે વસ્ત્રપરિધાને માણસ નથી દેખાવાનો,

ન કેવળ ઉધાર લગી કે ઉદ્ધાર સુધી આવો તમે,

છે કૈંક કરી છૂટવામાં સાફલ્ય મનુષ્ય અવતારનું,

ન કેવળ સિંગાર લગી પડકાર સુધી આવો તમે,

શબ્દોની સાઠમારી ઔપચારિકતા નિભાવનારી,

ન કેવળ ઉચ્ચાર લગી અણસાર સુધી આવો તમે.