షడ్రుచులు

ఆరు రుచుల సంగమం 

అదే జీవిత పరమార్థం 

తీయతీయని బాల్యం 

భయమన్నది లేని దైవత్వం 

వగరుగా పొగరుగా యవ్వనం 

చిగురులు తొడిగే చిలిపితనం 

పుల్లని చల్లని కోర్కెల కాపురం 

పిల్లా పాపలు పుట్టే కాలం 

కారం కారం ఈ సంసారం 

అయినా వదలని మమకారం 

ఉప్పందించే సాయంకోసం 

ఉస్సురంటూ సాగే ప్రయాణం 

చేదు చేదుగా వృద్ధాప్యం 

తాత్త్విక చింతనతో బ్రతికేద్దాం 

ఆరు రుచులతో జీవనం 

ఆ పరమాత్మే మన గమ్యం.//