శ్రీరామరాజ్యం

శ్రీరామ రాజ్యం.

1.

మత్తకోకిల.

తామసంబగు బుద్ధి తొల్గగ ధర్మమార్గము కైవడిన్

రామనామము పల్కి బోయెడు వ్రాసి చూపెను కావ్యమున్

కామితంబులు తీర్చి సంచిత కర్మలన్నియు కాల్చుచున్

రాముడే దిగి వచ్చి బ్రోచును లాలితంబుగ భక్తులన్ //

2.

మత్తకోకిల.

రామరాజ్యము నందు ధర్మము రంజిలన్ ముదమొందుచున్ 

నీమ నిష్ఠల తోడ పౌరులు నీతి తప్పక మెల్గుచున్

బ్రేమ మీరగ కొల్చి రాముని భీతి నొందక నుండిరా

స్వామి గాథలు తల్చువారికి స్వర్గసౌఖ్యము లల్పమౌ //

3.

మత్తకోకిల.

జీవనంబున శాంతి కల్గగ చింతలన్నియు తొల్గగన్

బావనంబుగ రామ భక్తులు పాపకర్మలు వీడియా

దేవ దేవుని పాదయుగ్మము దిక్కటంచును మ్రొక్కుచున్

సేవచేయగ ముక్తిధామము చేరి వెల్గుట తధ్యమౌ.//

4.

ధ్రువకోకిల.

కుదురుగా రఘురామ కీర్తన కూర్మి మీరగ పాడుచున్

బదిలమొప్పగ రామపాదము పట్టి కొల్చిన భక్తులన్

వదలడా రఘురాము డెప్పుడు ప్రక్క తోడుగ నిల్చి తాన్

ముదముగా కని పెట్టి కాపుగ పుణ్యమౌ గతులిచ్చుగా //