ఒక్కసారి

వస్తావోరావో నువు పలుకవేమి ఒక్కసారి

చూస్తానోలేదో నిను చూడవేమి ఒక్కసారి 

ఎన్నేళ్ళనీ నిరీక్షణ ఎవరికొరకు ఈవీక్షణ 

నీవేకద నాప్రాణం తలచవేమి ఒక్కసారి 

పిలిచి పిలిచి అలసిపోతి వినబడలేదచెలి నీకు

ఒయ్యారం ఒలకబోయ నిలువవేమి ఒక్కసారి 

నీధ్యాసతొ కనులుమూసి కలలుకంటు ఉన్నానూ 

కలలోనికి వచ్చి నీవు కలవవేమి ఒక్కసారి 

నువుపట్టిన కుందేటికి మూడుకాళ్ళు ఉంటాయా 

సడలించీ మొండిపట్టు విడువవేమి ఒక్కసారి