నీ చిలిపి మాయలో

తలచగా నేనెచట..మైమరపు వాడలో..! 

చూడగా నా మనసు..నీ వలపు పాటలో..!

ఏదిరా నీ జాడ..చెప్పదే ఏ పొదా.. 

ప్రేమకే దిగులాయె..నీ చెలిమి మేడలో..!

మరిగేను నా గుండె..నినుచేర దాహాన..

లేదందు మోహమే..ఈ వెలుగు వానలో..!

ఏ వంక చూసినా..నీవె నా నెలవంక.. 

చిత్రమే ఈవేళ..మురిపించు ఊహలో..!

పెంచేవు తాపమే..తెలియదే ఎందుకో..

నిలిపేవు వేడుకా..రాగాల తోటలో..!

తాళగా కుదరదే..ఈ విరహ వేదనను..

పడిపోతి నెప్పుడో..నీ చిలిపి మాయలో..