ఈ నన్ను
ఈ నన్ను
విసుగుకే విసుగేసి..వదిలేసె ఈ నన్ను..!
నిప్పుకే మనసొచ్చి..కాల్చేసె ఈ నన్ను..!
ప్రేమకే ముద్దొచ్చి..నిండింది హృదిలోన..
మదికేదొ గడిపెట్టి..పట్టేసె ఈ నన్ను..!
పాటలకు స్వరమయే..వేడుకన తానేను..
పువ్వులా నవ్వేసి..చుట్టేసె ఈ నన్ను..!
ముచ్చటల తేలించు..నవకవన సిరిరాణి..
మౌనమే ఎఱవేసి..మింగేసె ఈ నన్ను..!
నేనన్న మాటనే..అననీదు కలనైన..
తెఱలన్ని లాగేసి..తేల్చేసె ఈ నన్ను..!
ఒకకత్తి పదునింటి..మెఱుపంటి చిన్నదే..
తననాట్య సంద్రాన..ముంచేసె ఈ నన్ను..
