దుర్గా!దుర్గా!

ఉత్పలమాల /

1. దుష్టులఁ రాక్షసాధముల దోర్చగ వచ్చిన దుర్గవై సదా

శిష్టుల బ్రోచుచుండ నిను చిత్తము నందు తలంచు వారికిన్

గష్టము లన్నియున్ దొలఁగు కామిత మెల్లను దీరిపోవుతన్

దుష్టినొసంగు భవ్య! నిను దోసిలి యొగ్గి నుతింతు మమ్మరో//

 మత్తేభవిక్రీడితము /

2. విరులన్ గొల్చిన వారికిన్ జయము సంప్రీతిన్ బ్రసాదించుచున్

గరుణన్ గాచెడి సౌమ్య!నిన్ను వినతిన్ గైమోడ్చి ప్రార్థింతు నే

సురభోగంబులఁ గోరనమ్మ గిరిజా!శుద్ధాత్మనై మెల్గి నీ

చరణాబ్జంబుల ధూళి దాల్చి నడతున్ సౌభాగ్యముల్ వర్థిలన్ //

ఉత్పలమాల /

3.శుద్ధమనంబునన్ బిలువ జూపెద వమ్మ!కటాక్షమెంతయో!

శ్రద్ధగ నీదు సేవలను సంతసమొందుచు సల్పుచుండ స

ద్బుద్ధిని కల్గ జేయగదె!

పుణ్యము పొందగ నీదు పూజలన్

బద్ధులమై నిరంతరము భక్తిగ జేయుదు మమ్మ శాంకరీ!//

శార్దూల విక్రీడితము /

4. ఓంకారేశ్వరి !పార్వతీ!జగతి నుద్దీపించి పాలించు నిన్

జంకున్ బాయగ

మ్రొక్కుచుండ సురలున్ శక్తిన్ బ్రసాదించుచున్

ఝంకారంబుల తుమ్మెదల్ కొలువ శ్రీశైలాంబికారూపిగన్

హ్రీంకారంబున వెల్గు తల్లి!నమతుల్ శ్రీరాజరాజేశ్వరీ!//