దివ్యతేజ!

చంపకమాల.

నరకుని సంహరించనట నాతిని తోడ్కొని విక్రమించి యీ

ధరణిని గావగన్ జనులు తద్దయు వేడ్కగ బెట్టి దీపముల్

మురియుచు నిన్ను దల్చి తమ మ్రొక్కులు తీర్చగ భక్తిగన్ వెసన్ 

గరుణను జూపువాడ!నను గాంచవె నిత్యము ప్రీతిగన్ హరీ!//

చంపకమాల.

తిమిరపు భూతమున్ దఱిమి తీర్చగ భక్తుల కష్టనష్టముల్ 

కమలను దోడ్కొనీ భువికి గ్రక్కున రావయ!దివ్యతేజ!మా 

భ్రమలను కాల్చువాడ!బహు బాధలఁ గ్రుంగెడి యీ జనంబుపై 

మమతను జూపరావ!!పరమాత్మ!దయాకర!పాహి!శ్రీహరీ!//