ଇଛା
ଇଛା
ବିପୁଳତାର ବ୍ୟାପକତା ତମେ
ଗଭୀରତାରୁ ଆହୁରି ଗଭୀରତା
ତୁମର ଚଳ ଚଂଚଳତା ଓ
ଗାମ୍ଭୀଯ୍ୟ ପୂର୍ଣ୍ଣ ତୁମର
ସବୁ ନୀରବତା,
କିନ୍ତୁ----
ହଜାଇ ଦେଲ ତୁମେ ତୁମର
ସବୁକିଛି-----
ଝରି ଆସୁଥିବା ରସସିକ୍ତ ଅସ୍ତିରୁ
ଜମାଟ ବାନ୍ଧୁଥିବା ହିମୋଗ୍ଲୋବିନରେ ,
ସବୁ ପରେ ମଜିଗଲ
ଘନୀଭୂତ କାମନାର
ହଜି ଯାଉଥିବା ବୟସରୁ
ଛାଇ ଆଲୁଅ ଭିତରେ
ତଥାପି କାହା ପାଇଁ
ବଢୁଥିଲା ଅପେକ୍ଷାର ମୋହ
ରୋମାଞ୍ଚିତ ବେଳାଭୂମିର
ବାଲୁକା ଶେଯରେ
ଜୀବନର ଗୋଧୂଳି ସଂଜରେ
ମୋକ୍ଷ ରେ ନୁହେଁ
ବରଂ------
ଜୀଇ ବାର ସ୍ଵପ୍ନ ଦେଖୁଥିଲ
ଶୋଇ ମରଣ ଶେଯରେ ,
ମୁଁ କିନ୍ତୁ ତୁମ ପାଇଁ ଲେଖି ସାରିଛି
ପ୍ରେମର ମହାକାବ୍ୟ
ହୃଦୟରୁ ଝରୁଥିବା ବିନ୍ଦୁ ବିନ୍ଦୁ ରକ୍ତରେ
ତୁମକୁ ଖୋଜିଛି
ଆଶା ଥିବା କ୍ଷଣିକ ଆଲୋକରେ ,
ଏ ଦେହର ନର୍କରେ ତୁମେ ଭେଦିଥିଲ
ସୁବାସିତ ସେଇ-କୀଟର ଦଂଶନରେ
ସବୁ ଇଛାର କୋମଳ ପଣରେ
--- ମନୋରମା ମିଶ୍ର,