ପୁନର୍ମିଳନ
ପୁନର୍ମିଳନ
ରୋମାଣ୍ଟିକ କବି ମାୟାଧର ମାନସିଂହ
ଭାବିଛି ସମସ୍ତ ପଥ ମୁଖଛବି ତାର
କେମନ୍ତେ ମୋ ପାଶେ ପୁଣି,ତାର ଅଭିସାର
ହୋଇବ ବିରହ ପରେ;ଭାଷି ମୁଁ କି ବାଣୀ
ଡାକିବି ପ୍ରଥମେ ତାରେ;ଅଭିମାନେ ରାଣୀ
ନ ଶୁଣିଲେ ମୋ ଆଦର, ନ ବସିଲେ ପାଶେ
ମୋ ବ୍ୟଥା ବ୍ୟକତ ମୁହିଁ କରିବି କି ଭାଷେ ?
ଏହି ସେହି ଦ୍ୱାର ଦେଶ,ରଖ ରଖ ଯାନ
ଓହ୍ଲାଏ ମୁଁ,- ଥରିଲାଣି ମୋ ନିଖିଳ ପ୍ରାଣ
ପୁଲକିତ ଆଶଙ୍କାରେ ।ଗୃହ-ଲକ୍ଷ୍ମୀ କାହିଁ ?
ଗୃହେ ମୁଁ ଯେ ହେଲି ଏବେ- କେହି କ'ଣ ନାହିଁ ?
ସହସା ଚରଣ ପାତ ଶୁଭିଲା କାହାର,
ପଣନ୍ତର ସଞ୍ଚାଳନ; ଦିଗ ବାରୁ ତାର,
ସମ୍ମୁଖେ ହୋଇଲେ ଉଭା ଶିରୀ କୁଟୀରର
ନେତ୍ର ମିଳୁ ମିଳୁ ବକ୍ଷ ମିଳିଲା ସତ୍ୱର ।
ସମାପ୍ତ