ಭಾರತಾಂಬೆಯ ಮೊರೆ
ಭಾರತಾಂಬೆಯ ಮೊರೆ
ಅಂದು
ಸಂಕೋಲೆ ಕಳಚಿತು
ಸ್ವಾತಂತ್ರ್ಯ ಲಭಿಸಿತು
ವಿಜಯದಾ ಹೊನ್ನ ಕಳಶ
ಎನ್ನ ಮುಡಿ ಸೇರಿತು
ವಂದೇ ಮಾತರಂ
ವಂದೇಮಾತರಂ
ವಂದೇ ಮಾತರಂ
ಜೈಕಾರವೆನ್ನ ಕಿವಿದೆರೆಯ ಹೊಕ್ಕಿತು
ತ್ರಿವರ್ಣ ಧ್ವಜ ಹಾರಾಡಿತು
ಮಾತೃ ಭಕ್ತಿಯ ಮಹಾಪೂರ
ಎಲ್ಲೆಡೆಯೂ ಹರಿಯಿತು
ಅದ ಕಂಡ ಎನ್ನ ಮನ
ಸಂತಸದಿ ಅರಳಿತು
ಹೃದಯ ಹರುಷದಿ ಹಿಗ್ಗಿತು
ನಡುನಡುವೆ ಕಾಡಿತು
ಹುತಾತ್ಮ ಪುತ್ರರ ನೆನಪು
ಹೆತ್ತೊಡಲ ಕಲಕಿತು
ಮನ ಮಮ್ಮಲ ಮರುಗಿತು
ಅವರ ಹಡದೀ ಜನುಮ
ಸಾರ್ಥಕವ ಕಂಡಿತು
ಇಂದು
ವರುಷಗಳುರಿಳಿದವು
ದಶಕಗಳು ಮರಳಿದವು
ವಿಜ್ಞಾನ ಯುಗದೊಳು
ತಂತ್ರಜ್ಞಾನ ಮೆರೆಯಿತು
ಕೂಗಿಕರೆದವೆನ್ನ ಮಕ್ಕಳ
ಎನಗೆ ಬೆನ್ನ ಹಾಕಿ ಹೊರಟರು
ತಾಯ ಮೊರೆಯ ಮರೆತರು
ನನ್ನ ಹಸಿರುಡಿಗೆಯಲಿ
ರಕುತದೋಕುಳಿಯ ಕೆನ್ನೀರು
ಮತ್ತೆ ಹರಡುತಿದೆ
ನನ್ನುಳಿವಿಗಾಗಿ ಹೋರಾಡಿ
ಎನ್ನ ಮಡಿಲ ಸೇರುತಿಹ
ವೀರ ಪುತ್ರರ ಕಂಡು
ಮಿಡಿಯುತಿಹುದೆನ್ನಹೆತ್ತೊಡಲು
ಎಪ್ಪತರ ಹರೆಯ ನನಗೆ
ಮತ್ತೊಮ್ಮೆ ಕಾಡುತಿಹುದು
ಪರರ ಸಂಕೋಲೆಯ ಭಯ
ನೂಕದಿರೆನ್ನ ಮಗದೊಮ್ಮೆ
ಪರರ ಸರಪಳಿಯೊಳಗೆ