પરંપરા
પરંપરા
હો ભલે વટવૃક્ષ મોટું
પાંદડીનું ખરવું પાનખરે
પરંપરા છે !
ચોમાસું સંગ્રહી હ્રદયે
બાપ કરે કન્યાદાન
પરંપરા છે !
નદીનું વહેણ ભલે ધસમસતું
સમાવવું એને સાગરે
પરંપરા છે !
જીવથી વધુ સાચવેલ દીકરો
વહુ આગમને પરિવર્તિત થાય,
પરંપરા છે !
રૂપિયા પાછળ દોડતો માણસ
સંબંધો વિસરી જાય,
પરંપરા છે !
લાગણી ધરબી મનમાં
માણસે જીવવું સમાજ ઈચ્છાએ
પરંપરા છે !
અંધકારમાં પ્રજવલ્લ દીપ
સૂર્ય પ્રકાશ આગળ ઝંખવાય
પરંપરા છે !