માઁ હું તારે શરણે આવું

જ્યારે બધી દિશાઓ બંધ હો,

ત્યારે માઁ હું તારે શરણે આવું !

ચિત્ત ચડે કોઈ ચકડોળે ત્યારે

ત્યારે માઁ હું તારે શરણે આવું !

માતૃભાષાનો મર્મ ન સમજાય

ત્યારે માઁ હું તારે શરણે આવું !

કાવ્યલેખને કોઈ વિષય ન મળે

ત્યારે માઁ હું તારે શરણે આવું !

બે ઘડી મન થાય બાળ બનવાનું,

ત્યારે માઁ હું તારે ખોળે આવું !

ને જોવી હો મારે ઝલક ઈશ્વરની

ત્યારે માઁ હું તારા આંગણે આવું !

માઁ જગમાં તું કરે અકરાણ પ્રેમ,

એટલે માઁ હું તારે શરણે આવું !

ખબર કે દુનિયા રખે ને દે જાકારો 

પણ માઁ હૈયે મળશે જ આવકારો !

એટલે જ માઁ હું તારે શરણે આવું !