Library
Profile
ସଂଗରୋଧ
ସଂଗରୋଧ
ହମ୍ବା ....
ହମ୍ବା.....
ହମ୍ବା .....
ଏଇଁ !!!!
ହେରା ଏତେ ବଡ଼ ମଇଁଷିଟାଯେ ରାତି ଅଧରେ ମୋ ଘର ଆଗରେ କିଆଁ ବୋବୋଉଛି ??
- ହା ହା ହା ସାବୀ ...!!! ସାବୀ !!!
-ହେରା କିଏ ବା ?
-ଚିନ୍ହି ପାରୁନୁ ?
-ହେରା ତୁମେ ମଇଁଷି କଥା କହୁଛ ଯେ ?
-ନାଇଁ ସାବିତ୍ରୀ ମୁଁ ଯମ ।
-ଯମ ନା ଧାନ ଘମ !! ଚୁର କି ତୁ ?? ଜଲ୍ଦି ବାହାରେ ନହଲେ ମୁଣ୍ଡି ପଂହରାରେ ପିଟି ପିଟି ସାବାଡ଼ କରିଦେବି।
-ହା ହା ହା ହା ଅକଡମ୍ ବକଡ଼ମ୍ ତିଗଡ଼ମ୍ !! ହା ହା ହା ।।।ହୋ ହୋ ହୋ ।। ମୁଁ ଯମ ..ମୋ ବାପା ଯମ ...ମୋ ଚଉଦ ପୁରୁଷ ଥିଲା ଯମ।
ଅକଡ଼ମ୍ ବକଡମ୍ ତିଗଡ଼ମ୍ ।।ହେ ହେ ହୋ ହୋ ....
-ଆଲୋ ମା ଲୋ କି ଭୟଙ୍କର ସାଉଣ୍ଡ । ହେରା ବ୍ୟାକଗ୍ରାଉଣ୍ଡ ମ୍ୟୁଜିକରୁ ମୁଁ ଜାଣିଦେଲି ତୁମେ ଯମ ବୋଲି !! କି ପାଇଁ ଆଇଚ ଯେ ? ଆମର ତ ଏଠି ବୁଢ଼ା ବୁଢ଼ୀ କେହି ନାହାଁନ୍ତି ।
ତୁମେ ଦୁସୁନ କିଆଁ ??
-ମୁଁ ଏଥର ଅଦୃଶ୍ୟ ଅଛି। କରୋନା ଭୂତାଣୁ ଭୟରେ ।ଏଠି ସେଠି ମୋ ହାତ ବାଜିଗଲେ ମୋତେ ବି କରୋନା ହେଇଯିବ।ମୋ ବାହାନ ପିଠିରେ ମୁଁ ବସିଛି।
-ହେରା ବଇଥା ସେଇଠି।।ମୁଁ ଯାଉଛି ଶୋଇବି।ସକାଳ ହେଲେ ମୋତେ ବ୍ରତ ପୂଜା କରିବାର ଅଛି।
-ତୁ ତୋ ସ୍ୱାମୀ ଆଶା ଛାଡିଦେ ଲୋ ସାବୀ ।
-ହେରା ଜୁଗୁଣିଖିଆ ଯମ କିରା ହେଲା ଯେ ?
- ତୋ ସ୍ୱାମୀ ଆଳୁ ଟ୍ରକରେ ବସି କଲିକତାରୁ କାଲି ଆଇ ଥିଲାଟି ?
-ହେରା କେମିତି ଆସିଥାନ୍ତା ଯେ କହୁଁନ ? ସବୁ ଗାଡି ମୋଟର ତ ବନ୍ଦ ଥିଲା।
-ତା ଦେହରେ କରୋନା ଭୂତାଣୁ ଅଛି !!
- ହେରା .....ନାଇଁ କଣ କହୁଛନ୍ତି ଯମରାଜ !!
-ମୁଁ ଯାହା କହୁଛି ସତ କହୁଛି ସାବୀ।ସତିଆର ଜୀବନ ଏବେ ମୋ ହାତରେ।ଆଉ କେଇ ଘଣ୍ଟା।
-ତୁ ବି ତା ସାଙ୍ଗରେ ଦୁଇଦିନ ହେଲାଣି ଅଛୁ ତୋତେ ବି କରୋନା ହେଇଥିବ। ତୁ ଜାଣିନୁ ବୋଧହୁଏ କାଶ ଓ ଛିଙ୍କ ଦ୍ୱାରା ବେଶୀ ଏ ଭୁତାଣୁ ମାଡିଯାଏ ।।
-ହେରା ମୁଁ ବି ତୁମକୁ ଛାଡିବିନି ଯମରାଜ ତୁମ ଆଗରେ ମୁଁ ଛିଙ୍କିବି କାଶିବି ....ହେରାରାରା ....ଆଆଆ...ଛୋ !!!
ଆଆଆ...ଛୋ !!!
- ସାବୀ ତୁ ଏମିତି କରିପାରିବୁନି ..ମୋ ପଛେ ପଛେ ଆସେନା କହୁଛି।
-ହେରା ଯମରାଜ ମୁଁ ତୁମକୁ ଛାଡିବିନି !!! ମୋ ସ୍ୱାମୀକୁ ମୋ ଠୁ ତୁମେ ଛଡାଇ ନେଇ ପାରିବନି !!
-ହଉ ଯା ତୋ ସ୍ୱାମୀର କିଛି ହେବନି !!!!
-ଧନ୍ୟବାଦ ଯମରାଜ ।
-ଏଏଏ ମୁଁ ଏ କଣ କହିଦେଲି ...
-ହେରା ଆପଣ କହିଦେଲେ ଯେ ...ମୋ ସ୍ୱାମୀର ଆଉ କିଛି ହେବନି ବୋଲି।
-ବଡ଼ ଅନର୍ଥ ହେଇଗଲା।।ତୁ ସବୁଥରକ ପରି ଏଥର ବି ମୋ ସାଙ୍ଗରେ ଚଲାଖି କଲୁ ସାବୀ।
-ହି ହି ହି ହି
-ହଉ ହେଲା... ମୋ କାମଟା ତ ହେଇ ପାରିଲା ନାହିଁ।ତୁ ଗୋଟେ କାମ କର।ସରପଞ୍ଚକୁ ଦେଖାକରି ତୋର ଓ ସତିଆର ନାମ ପଞ୍ଜିକରଣ କର ଓ ସଙ୍ଗରୋଧ କୋଠରୀ ଯାଇ ରୁହ।ଗାଁ ସ୍କୁଲ ଘରେ ସମସ୍ତଙ୍କ ରହିବା ବ୍ୟବସ୍ଥା ହେଇଛି।ଖାଇବା, ପିଇବା, ଡାକ୍ତରୀ ସୁବିଧା ସବୁ ଉପଲବ୍ଧ ଅଛି।ଏଥର ବ୍ରତରେ ନୂଆ ଶାଢ଼ୀ ଓ ଫଳମୂଳ କିଣିବା ଦରକାର ନାହିଁ।ମାସ୍କ ,ସାନିଟାଇଜର ଆଦି କିଣି ରଖିଥା। ସେଇଠି କାମରେ ଆସିବ।ମୋର ଗୋଟେ ଟାର୍ଗେଟ ପୁରା ହେଇ ପାରିଲା ନାହିଁ କିଛି ମନ ଦୁଃଖ ନାହିଁ।।
-ହେରା ଧନ୍ୟବାଦ ଯମରାଜ।
©Balaram Barik
