ଶ୍ରୀମଦ୍ ଭଗବଦ୍ ଗୀତା
ଶ୍ରୀମଦ୍ ଭଗବଦ୍ ଗୀତା
ନବମ ଅଧ୍ୟାୟ , ରାଜବିଦ୍ୟା ରାଜଗୁହ୍ୟ ଯୋଗଃ
ଶ୍ଳୋକ - ୧
ଇଦ° ତୁ ତେ ଗୁହ୍ୟ ତମ°
ପ୍ରବକ୍ଷାମ୍ୟନସୂୟବେ ,
ଜ୍ଞାନ ବିଜ୍ଞାନ ସହିତ°
ଯଜ୍ ଜ୍ଞାତ୍ବା ମୋକ୍ଷ୍ୟସେ{ଶୁଭାତ୍
ଅର୍ଥ : -
ଭଗବାନ କହିଲେ ହେ ଅର୍ଜୁନ! ତୁମ୍ଭେ ମୋ କଥାକୁ ଆଗ୍ରହ ସହ ଶୁଣୁ ଥିବାରୁ ମୁଁ ତୁମ୍ଭଙ୍କୁ ଅତ୍ୟନ୍ତ ଗୁପ୍ତ ଜ୍ଞାନ ପ୍ରଦାନ କରିବି ଯାହାକୁ ଜାଣିଲେ ତୁମ୍ଭେ ଏ ଦୁଃଖ ପୂର୍ଣ୍ଣ ସ°ସାରରୁ ମୁକ୍ତ ହୋଇଯିବ ।
ବ୍ୟାଖ୍ୟା : -
ବକ୍ତା ଓ ଶ୍ରୋତା ଈଶ୍ବରଙ୍କ କଥାରେ ତନ୍ମୟ ହୋଇଗଲେ ବକ୍ତାକୁ କହିବାକୁ ଭଲ ଲାଗେ ଓ ଶ୍ରୋତାକୁ ଶୁଣିବାକୁ ମଧ୍ୟ ଭଲ ଲାଗେ ।
ଶ୍ରୋତା ଯଦି ମଝିରେ ମଝିରେ ପ୍ରଶ୍ନ କରୁଥାଏ ବକ୍ତାକୁ କହିବାକୁ ଆଗ୍ରହ ବଢୁଥାଏ ।
ଏଠି ଭଗବାନ ଅନୁଭବ କଲେ ଯେ ଅର୍ଜୁନ ତାଙ୍କର ମୂଲ୍ୟବାନ ବାକ୍ୟକୁ ଆଗ୍ରହର ସହିତ ଶୁଣୁଛନ୍ତି ଓ ମଝିରେ ମଝିରେ ପ୍ରଶ୍ନ ପଚାରି ଅବୁଝା କଥାକୁ ବୁଝୁଛନ୍ତି । ଏଥିରେ ଭଗବାନ ସନ୍ତୁଷ୍ଟ ହୋଇ ଅର୍ଜୁନଙ୍କୁ ଜ୍ଞାନ ଓ ବିଜ୍ଞାନ କଥା କହି ତାକୁ ଜଣେ ବ୍ରହ୍ମଜ୍ଞାନୀ ପୁରୁଷ କରିବା ପାଇଁ ଇଚ୍ଛା କରୁଛନ୍ତି । ସେଥିପାଇଁ ଭଗବାନ ଶ୍ରୀକୃଷ୍ଣ କହୁଛନ୍ତି ହେ ଅର୍ଜୁନ ! ତୁମ୍ଭଙ୍କୁ ଏପରି ଗୁପ୍ତ କଥା କହିବି ଯାହାକୁ ଶୁଣିଲେ ତୁମ୍ଭେ ଏ ଭବ ସାଗରରୁ ଅକ୍ଳେଶରେ ପାରି ହୋଇଯିବ । ତୁମ୍ଭର ଆଉ ସା°ସାରିକ ଦୁଃଖ କିଛି ରହିବ ନାହିଁ । ଏହି ଗୁପ୍ତ କଥାକୁ ଯିଏ ଶୁଣିବ ସେ ମଧ୍ୟ ଉପକୃତ ହେବ।