ନାହିଁ ମାମୁଁ ଠାରୁ କଣା ମାମୁଁ ଭଲ

ଅଳ୍ପ ଦିନ ତଳର ଘଟଣା ଅାମ ଗ୍ରାମର ହରି ଭାଇନା  ସବୁଦିନ ଭାଗବତ ଟୁଙ୍ଗିକୁ ଭାଗବତ ପଢିବାକୁ ଆସନ୍ତି ! ଦିନେ ତାଙ୍କର ଆସିବାରେ ବିଳମ୍ବ ହେଲା , ବୃଦ୍ଧ ବୃଦ୍ଧା ଲୋକ ଭାଗବତ ଶୁଣିବା ଅପେକ୍ଷାରେ ଥା'ନ୍ତି , ଏହି ସମୟରେ ଖବର ଆସିଲା ଯେ - ହରି ଭାଇନାଙ୍କର ଦେହ ଅସୁସ୍ଥ ଅଛି ॥ ସେଥି ପାଇଁ ସେ କଟକ ବଡ଼ ଡାକ୍ତରଖାନାକୁ  ଯାଇଛନ୍ତି ! ଆଜି ଆଉ ଭାଗବତ ପଢିବାକୁ ଆସି ପାରିବେ ନାହିଁ ! ଏ' ପର୍ଯନ୍ତ ଘରକୁ ଫେରି ନହାଁନ୍ତି ! ଏହି ସମୟରେ ଭାଳେଣି ପଡ଼ିଲା , ଆଜି କିଏ ଭାଗବତ ପଢିବ ରାମ ଜେନା ମନ୍ତବ୍ୟ ଦେଲା ଅାମ ଗାଆଁରେ ଏ ତେ ଶିକ୍ଷିତ ପିଲା ଥାଉ ଥାଉ ଆଜି କଣ ଭାଗବତ ପଢା ବନ୍ଦ ହେଵ ! ତାହାଲେ କାହାକୁ ଡାକିବା କୁହ ? ବୀର ରାଉତ ପୁଅ ସନିଆକୁ  ଡ଼ାକ , ବୋଲି ସମସ୍ତେ ପ୍ରସ୍ତାବ ଦେଲେ , ସନିଆକୁ ଡକରାଗଲା ! ବହୁତ ବାଧ୍ୟବାଧକତାରେ ସନିଆ ଆସିଲା ! ଯେତେ ପାଠ ପଢିଲେ କଣ ହବ ସନିଆ ଟିକେ ସଙ୍କୋଚ ମନେ କଲା ! ସେଥି ପାଇଁ ଥଙ୍ଗେଇ ମଙ୍ଗେଇ ହେଲା ! କାହିଁକିନା ସନିଆର ଓଡ଼ିଆ ପଢିବା ଅଭ୍ୟାସ ନଥିଲା , ସେ ଯାହା ହଉ କୌଣସି ମତେ କର୍ମ ଚଳିଗଲା ! ରାମ ଜେନା ପୁଣି ମନ୍ତବ୍ୟ ଦେଲା ଯାହା ହଉ କାମ ସିନା ଚଳିଗଲା , କିନ୍ତୁ ହରି ଭାଇନା ଯେମିତି ସୁନ୍ଦର କଣ୍ଠ ସ୍ଵରରେ ଅାବୃତି କରନ୍ତି , ସେମିତି କଣ ସନିଆ ବୋଲି ପାରିଲା । ଏହି ପରି ପ୍ରେକ୍ଷିରେ ରାମ ଜେନା ପୁଣି ସୁନ୍ଦର ଓଡ଼ିଆ ରୂଢ଼ି ଟିଏ ପରି ପ୍ରକାଶ କରି କହିଲେ , ନାହିଁ ମାମୁଁ ଠାରୁ କଣା ମାମୁଁ ଭଲ , କେହି ନଥିଲେ ମଧ୍ୟ ଯଦି କଣା ମାମୁଁ ଟିଏ ଅଛି , ତାହେଲେ ଭଣଜା କହି ପାରିବେ ମୋର ମାମୁଁ ଟିଏ ଅଛି ବୋଲି !ସେଇ ମାମୁଁ ଦରକାର ସମୟରେ ଯଥା ସାଧ୍ୟ ସହଯୋଗ କରି ପାରିବ ! ଭଉଣୀ ର ଭାଇ , ଭଣଜା ଭାଣେଜି ଙ୍କରସର୍ବୋତ୍ତମ ମାମୁଁ ପଦବାଚ୍ୟ ବହନ କରିବ ! କାହିଁକି ନା କଣା ମାମୁଁ ହେଲେ ମଧ୍ୟ ସେ ମାମୁଁ ଏ' କଥା ସତ ॥ ଜମା ନଥିବା ଅପେକ୍ଷା ଯାହା ଅଛି ତାକୁ ସର୍ବୋତ୍ତମ ଭାବିବା ଉଚିତ ॥ କାହିଁକିନା' ' something is better than nothing ' ' ଅଳ୍ପକେ ସନ୍ତୁଷ୍ଟି ଲାଭ କଲେ ଈଶ୍ଵର ସନ୍ତୋଷ ପ୍ରକଟ କରି ସୁଖ ସମୃଦ୍ଧିରେ ସମସ୍ତଙ୍କୁ ରଖିବେ ଏ କଥା ଚିର ନିଶ୍ଚିନ୍ତ