Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Kamalini Panigrahi

Inspirational

2  

Kamalini Panigrahi

Inspirational

ମା ଓ ଶାଶୁ

ମା ଓ ଶାଶୁ

3 mins
34



ଶାଶୁ ଓ ମାଆ ଦୁଇଜଣ ଆମ ଜୀବନର ଦୁଇଟି ମୁଖ୍ୟ ଅଙ୍ଗ । ଯାହାଙ୍କୁ ନେଇ ଆମ ଜୀବନର ଚଲାପଥ କୁସୁମିତ ହୋଇଥାଏ । ଜଣେ ଜନ୍ମଦାତ୍ରୀ 'ମା' ଯିଏ ଆମକୁ ଦଶମାସ ଗର୍ଭରେ ଧାରଣ କରି ଛୋଟରୁ ଅତି ଯତ୍ନରେ ଆମର ଅଳି, ଅର୍ଧଳୀ ସହି ଆମକୁ ଶିକ୍ଷା,ସଂସ୍କାର,ନୀତି,ଆଦର୍ଶ ଓ ସାମାଜିକ ଜ୍ଞାନର ମୂଲ୍ୟବୋଧ ବିଷୟରେ ଅବଗତ କରାଇଥାଏ ସେ ଆମର ସବୁଠୁ ନିଜର ହୋଇଥାଏ । ଛାତିକୁ ପଥର କରି ସେ ତାର ଝିଅଟିକୁ ଶାଶୁ ଘରକୁ ବିଦାୟ ଦେଇଥାଏ । କିନ୍ତୁ ଶାଶୁ ଘରେ ଆଉ ଜଣେ ମା ମିଳନ୍ତି ଯିଏ ଆମ ପାଇଁ ଆହୁରି ଶ୍ରେଷ୍ଠ ପାଲଟି ଯାଆନ୍ତି । କାରଣ ଆମକୁ ସେଠି ଜୀବନ ସାରା ରହିବାକୁ ହୁଏ । ସତରେ କେତେ ବିଚିତ୍ର ଏ ଝିଅ ଜନ୍ମ ସତେ । ଯଦି ଭଲ ଶାଶୁଟିଏ ଝିଅ ପାଏ ତେବେ ଜୀବନ ସୁଖମୟ ହୋଇଯାଏ । ଯିଏ ଆମର ସବୁ ଭୁଲକୁ କ୍ଷମାକରି ଆମକୁ ଘରର ନୀତି,ଆଦର୍ଶ,ଚାଲି, ଚଳଣ ସବୁ କିଛି ସ୍ନେହ ଓ ଶ୍ରଦ୍ଧାରେ ଶିଖାଇ ଥାଆନ୍ତି; ଠିକ୍ ଗୋଟେ ମା ପରି!!!!!

 ଆମେ ସେହି ବିଷୟରେ ଗୋଟିଏ ଗପ ପଢ଼ିବା । କୁନି ପାଠ ପଢିବାକୁ ବହୁତ୍ ଭଲପାଏ । ହେଲେ ନାରାୟଣ ବାବୁ ପାଠ ପଢ଼ାଇବାକୁ ଅସମର୍ଥ!!!!କାରଣ ସିଏ ଜଣେ ମଧ୍ୟବିତ୍ତ ପରିବାରର ବ୍ୟକ୍ତି; ଯାହାର ଉପରେ ଛଅ ଟି ପିଲାଙ୍କ ଦାଇତ୍ୱ ତା ସହିତ ନିଜ ବୁଢ଼ୀ ମା!!ଏମିତି ପତ୍ନୀକୁ ମିଶାଇ ଆଠଜଣ ମଣିଷଙ୍କ ଭରଣ, ପୋଷଣର ଦାୟିତ୍ଵ । କେତେ ବା; ରୋଜଗାର ତାଙ୍କର.. ବହୁ କଷ୍ଟେ ମଷ୍ଟେ ପରିବାର ଚଳିଯାଏ । ଆଉ ଛୁଆଙ୍କୁ ପଢ଼ାଇବେ ବା; କେମିତି କୋଉଠୁ ଆଣିବେ ଏତେ ଟଙ୍କା । କିନ୍ତୁ କୁନି ଥିଲା ବଡ ଝିଅ ମାତ୍ର ତାର ସ୍ୱପ୍ନ ଥିଲା ଆକାଶ ଛୁଆଁ!!!!!ସିଏ ଜଣେ ଆଇ.ଏ.ଏସ୍ ଅଫିସର ହେବାକୁ ଚାହେଁ । ପିଲାବେଳୁ ବିନା ଟିଉସନରେ ସିଏ ଶ୍ରେଣୀରେ ପ୍ରଥମ ହୁଏ । ମାଗି, ଯାଚି ପାଠ ପଢେ । ହେଲେ ବାପାଙ୍କୁ ପଇସା ମାଗେନି । ଦଶମରେ ସିଏ ପ୍ରଥମରେ ଉତ୍ତୀର୍ଣ୍ଣ ହୋଇଛି ହେଲେ ଉଚ୍ଚ ଶିକ୍ଷା ପାଇଁ ବହୁତ୍ ଟଙ୍କା ଆବଶ୍ୟକ । କଣ, କରିବ ତା ଠାରୁ କମ୍ ମାର୍କ ରଖିଥିବା ପିଲାମାନେ ନାମ ଲେଖାଇଲେ ଯେ..କୁନି ବାଧ୍ୟ ହୋଇ ବାପାଙ୍କୁ ଜଣାଇଲା ଆଉ କିଛି ପଇସା ରଖିଥିବା ସରାଗାତରୁ ମା କିଛି ଟଙ୍କା ଦେଲେ ଯାହେତୁ ଝିଅର ସ୍ୱପ୍ନ ଅଛୁ ପଢିବାକୁ । ଶେଷରେ ସେ ନାମ ଲେଖାଇଲା ଆଉ ଛୋଟ ପିଲାଙ୍କୁ ଟୁସନ କରି ପଢିଲା । କୌଣସି ବାଜେ ଖର୍ଚ୍ଚ ନ କରି ବହୁତ୍ ପାଠ ପଢିଲା ମା ରାତି ଦିନ ସିଲେଇ କଲେ । ବାପା ବାହାଘର ଠିକ୍ କଲେ କାରଣ ତା ପଛକୁ ତାର ଭଉଣୀ ମାନେ ବି ଅଛନ୍ତି ନା,କିନ୍ତୁ କୁନି ମନା କଲେ ମଧ୍ୟ ବାପା ବାଧ୍ୟ କରି ବିବାହ କରାଇଦେଲେ । ପୁଅ ଯେ ଉଚ୍ଚ ଶିକ୍ଷିତ ପୁଣି ଯୌତୁକ ନାହିଁ ବାପା ସୁଯୋଗ ଛାଡ଼ିଲେନି ବିବାହ ଠିକ୍ ହେଲା ଓ ହେଲା ମଧ୍ୟ । ମା ନିଜ ଝିଅକୁ ଛାଡି ବହୁତ୍ ଦୁଃଖରେ ଥିଲେ ମୋ ଝିଅର ସ୍ୱପ୍ନ ସବୁ ଧୂଳିସାତ ହୋଇଗଲା । କିନ୍ତୁ ଶାଶୁ ଘରେ କୁନିକୁ ଏକ ଆଶାର କିରଣ ମିଳିଗଲା ଯିଏ ଥିଲେ ତାର ଦ୍ୱିତୀୟ ମା ତାର ଶାଶୁ...ସେ କେବେବି ବିଶ୍ୱାସ କରିନଥିଲା ତାର ଶାଶୁ ଏତେ ଭଲ ହୋଇଥିବେ । ବହୁତ୍ ସ୍ନେହୀ କୁନିକୁ ନିଜ ଝିଅ ପରି ଦେଖୁଥିଲେ ଆଉ ବହୁତ୍ ଭଲପାଉଥିଲେ ମଧ୍ୟ । ତାର ସ୍ୱପ୍ନ କଥା ଶୁଣିପାରିଲେ ଆଉ ମହା ବିଦ୍ୟାଳୟରେ ନାମ ଲେଖାଇ କୁନିକୁ ପଢ଼ାଇଲେ ଆଉ କୁନି ମଧ୍ୟ ପାଠ ସହିତ ଘରର କାମ ତଥା ଗୋଟେ ବୋହୂର କର୍ତ୍ତବ୍ୟ ଠିକସେ ପୁରା କରୁଥିଲା । ଶେଷରେ ମଆ ପରି ଶାଶୁ ପାଇ ତା ଜୀବନ ଧନ୍ୟ ହୋଇଗଲା ସେ ଜଣେ ଆଇ. ଏ.ଏସ ଅଫିସର ହୋଇପାରିଲା । ଶେଷରେ ଏତିକି କହିବି ଆମେ ଯେମିତି ଆମକୁ ସେହିପରି ଲୋକହିଁ ମିଳିବେ ଆମେ କାହାକୁ ଖରାପ୍ ବ୍ୟବହାର ଦେଖାଇଲେ ଆମେ ଖରାପ୍ ହିଁ ପାଇବା । କୁନିର ଉତ୍ତମ ବ୍ୟବହାର ଶାଳୀନତା ଯେ କୌଣସି ମଣିଷକୁ ପରିବର୍ତ୍ତନ କରିଦିଏ । କୁନି ପାଇଥିବା ଶାଶୁ ପରି ଯଦି ସମସ୍ତଙ୍କୁ ମିଳି ପାରିବ ସତରେ କେତେ ଭଲ ହୁଅନ୍ତା । 



Rate this content
Log in

More oriya story from Kamalini Panigrahi

Similar oriya story from Inspirational