Buy Books worth Rs 500/- & Get 1 Book Free! Click Here!
Buy Books worth Rs 500/- & Get 1 Book Free! Click Here!

Subhalaxmi Das

Inspirational


5.0  

Subhalaxmi Das

Inspirational


ଇଚ୍ଛା ଶକ୍ତିର ଦୃଢ଼ତା

ଇଚ୍ଛା ଶକ୍ତିର ଦୃଢ଼ତା

2 mins 330 2 mins 330


କୁହାଯାଏ , ଗରିବ ମାନଙ୍କୁ ସ୍ବପ୍ନ ଦେଖିବାର ଅଧିକାର ନଥାଏ । ସେମାନେ କେବେ ନିଜର ପ୍ରତିଷ୍ଠା, ସମ୍ମାନ ବିଷୟରେ ଚିନ୍ତା ବ କରିବା ଉଚିତ ନୁହେଁ । କିନ୍ତୁ ଏ ସବୁ ଶୁଣି ଶୁଣି ମୀନା ଦୃଢ ନିଶ୍ଚୟ କରିନେଇଥିଲା ଯେ , ସେ କେବେ ବି ସ୍ୱପ୍ନ ଦେଖିବା ଛାଡିବା ନାହିଁ । କେବେ ବି ନିଜ ଇଛା ଶକ୍ତି ଆଗରେ ଗରିବ ଉପାଧିକୁ ଆକଳନ କରି ନିଜ ପାରିବା ପଣିଆରେ ସନ୍ଦେହ କରିବ ନାହିଁ । ହଁ, ବିଳମ୍ବ ହେବ , କଷ୍ଟ ମଧ୍ୟ ହେବ । କିନ୍ତୁ ସେ ଜିତିବ ଓ ତାର ସ୍ବପ୍ନ ସାକାର ହେବ । 

ମୀନା ହେଉଛି ଗୋଟେ ଗରିବ ଦିନ ମଜୁରିଆ ପରିବାରରେ ଜନ୍ମିତା ତୃତୀୟ କନ୍ୟା ସନ୍ତାନ । ବାପା ମା ଦୁହେଁ ଦିନ ମଜୁରିଆ । ଦିନ ତମାମ ପରିଶ୍ରମ ପରେ ଯାହା ଆୟ ହୋଇଥାଏ, ସେଥିରେ ଗୋଟେ ଓଳି ଚୁଲି ଜଳିବା ମଧ୍ୟ କଷ୍ଟକର ହୋଇଯାଏ ସମୟ ସମୟରେ । ପାଞ୍ଚ ପ୍ରାଣୀ କୁଟୁମ୍ବକୁ ଦୁଇ ଓଳି ଖାଦ୍ୟ ଯୋଗାଇବା କଷ୍ଟକର । ତୋର ଡାକ୍ତର ହେବାର ସ୍ୱପ୍ନ କୁ କେମିତି ସାକାର କରିବି ବୋଲି ବୁଝେଇ ଦେଇ ବାପା ସେଦିନ ତାର ପଢ଼ାରେ ଡୋରି ବାନ୍ଧି ଦେଇଥିଲେ । କିନ୍ତୁ ସେ କି ଚୁପ ହୋଇ ବସିବା ପିଲା । ପଞ୍ଚମ ଶ୍ରେଣୀ ବୃତ୍ତି ପାଇବା ପରେ ତାର ସେଇ ସ୍ବପ୍ନକୁ ଯେମିତି ଆଉ ଗୋଟାଏ ଡେଣା ମିଳିଗଲା । ଆହୁରି ଦୃଢ ଚେଷ୍ଟା ଓ ଅସୀମ ମନୋବଳ ସହିତ ସେ ବାପାଙ୍କୁ ଆଗକୁ ପଢିବାକୁ ସ୍କୁଲ ଛାଡିବାକୁ ଅନୁମତି ମାଗିଲା । ସଂଶୟ ମଧ୍ୟରେ ବାପା ହଁ ସିନା କରିଦେଲେ କିନ୍ତୁ ପାଠପଢା ଖର୍ଚ୍ଚ ଆସିବ କେଉଁଠୁ । ଏତିକି ବେଳେ ସରକାରଙ୍କର କନ୍ୟାସନ୍ତାନମାନଙ୍କ ପାଇଁ ଯେଉଁ ସବୁ ବ୍ୟବସ୍ଥା ରହିଛି ଜଣେ ଅଙ୍ଗନବାଡି ଦିଦି ଆସି ବୁଝାଇଦେଲେ ମୀନାକୁ । ସେହି ବ୍ୟବସ୍ଥାରେ ସ୍କୁଲ ରେ ନାମ ଲେଖାଇଦେଲେ । ମୀନା ନିଜ ଅଧ୍ୟବସାୟ ସହିତ ସ୍ୱପ୍ନର ପଥକୁ ପରିଷ୍କାର କରିଚାଲିଥାଏ ବାସ୍ତବତାର ରୂପ ଦେବାପାଇଁ । ପ୍ରଥମ ମାଇଲ ଖୁଣ୍ଟ ପୁର୍ଣ ସଫଳତାର ସହିତ ପାର କରିଗଲା ସେ । ଦଶମ ଶ୍ରେଣୀରେ ପ୍ରଥମ ଦଶ ଜଣଙ୍କ ମଧ୍ୟରେ ନିଜର ନାମ ସହିତ । ଅନେକ ଶୁଭେଚ୍ଛା, ଶୁଭକାମନା ସହିତ ସାହାଯ୍ୟ ଓ ସଦୁପଯୋଗର ହାତ ମଧ୍ୟ ବଢ଼ିଆସିଲା । ଦ୍ୱାଦଶ ଶ୍ରେଣୀ ଦ୍ୱିତୀୟ ମାଇଲ ଖୁଣ୍ଟ ମଧ୍ୟ ସଫଳତାର ସହିତ ଉତ୍ତୀର୍ଣ୍ଣ ହେବାପରେ ପ୍ରକୃତ ଯୁଦ୍ଧ ଆରମ୍ଭ ହେଲା । ଡାକ୍ତରୀ ପ୍ରବେଶିକା ଉତ୍ତୀର୍ଣ୍ଣ କରି ଲକ୍ଷାଧିକ ଟଙ୍କାର ଆବଶ୍ୟକତା ନ ହେଲେ ମେରିଟରେ ଥାଇ ମଧ୍ୟ ସେ ନାମ ଲେଖା ସୂଚୀରୁ ବାଦ ପଡିଯିବ । ଏତିକି ବେଳେ ଜଣେ ବଦାନ୍ୟ ବ୍ୟକ୍ତି ସାହାଯ୍ୟର ହାତ ବଢ଼ାଇଦେଇ ସର୍ବୋତ୍ତମ କଲେଜରେ ଡାକ୍ତରୀ ପଢିବାପାଇଁ ନାମ ଲେଖା କାର୍ଯ୍ୟକ୍ରମକୁ ସୂଚାରୁ ରୂପେ ସମ୍ପାଦନ କରିଦେଲେ । ଏସବୁ ସତେ ଯେମିତି ପାହାନ୍ତି ସ୍ବପ୍ନ ପରି , ମୀନା ବାପା ଆଗରେ ପୃଷ୍ଠା ଲେଉଟାଇ ଆନନ୍ଦଶ୍ରୁର କୃତଜ୍ଞତା ଜ୍ଞାପନ କରିଥିଲେ ସେହି ଭଦ୍ରବ୍ୟକ୍ତି ଜଣକୁ । ଜଣେ ମେଧାବୀ ଛାତ୍ରୀ ଯଦି ସେଦିନ ହାର ମାନି, ଦାରିଦ୍ରତାର କଷାଘାତ ତଳେ ଦବି ରହିଯାଇଥାନ୍ତା , ତେବେ ଏତେ ଦୂର ଆସିପାରିଥାନ୍ତା କେମିତି ?

    ସତରେ ଦୃଢମନା ହିଁ ସ୍ୱପ୍ନର ବାସ୍ତବତାର ଆଲୋକ ଦେଖିପାରିଥାଏ । ନିଜ ଇଛାଶକ୍ତି ଦୃଢଥିଲେ ଉପାୟ ଓ ସ୍ବପ୍ନ ସାକାର କରିବାର ସତପଥରେ ଅଗ୍ରସର ହେବାରେ ଶକ୍ତି ଓ ସାହାଯ୍ୟ ମିଳେ । ସ୍ୱୟଂ ଭଗବାନ ମଧ୍ୟ ଦୃଢ ଇଛାଶକ୍ତି ସମ୍ମୁଖରେ ପରାଜୟ ବରଣ କରିଛନ୍ତି ।


Rate this content
Log in

More oriya story from Subhalaxmi Das

Similar oriya story from Inspirational