ଯଦି ତମେ
ଯଦି ତମେ
1 min
381
ଦୁଃଖ ଦେଇ ମୋତେ ଯଦି
ସୁଖ ତମେ ପାଉଛ,
ତେବେ ଲଗାଇଥିବା ନିଆଁରେ
ଜାଳିଦିଅ ମୋତେ
ଯଦି ତମେ ପାରୁଛ ।
ଲୁହ ମୋତେ ଦେଇ ଯଦି
ତମେ ହସି ପାରୁଛ,
ତେବେ ଭସାଇ ଦିଅ ମୋର ସମସ୍ତ ଅସ୍ତିତ୍ୱ
ସେହି ଲୁହର ସ୍ରୋତରେ
ଯଦି ତମେ ପାରୁଛ ।
ମୋତେ ଅନ୍ଧକାର ଦେଇ
ଯଦି ତମେ ଆଲୋକ ଚାହୁଁଛ
ତେବେ ବଦଳାଇଦିଅ
ଆବର୍ତ୍ତନର ସମସ୍ତ ନିୟମକୁ
ରୋକିଦିଅ ସୂର୍ଯ୍ୟ, ଚନ୍ଦ୍ର ଆଲୋକର ସମସ୍ତ ଉତ୍ସକୁ
ଯଦି ତମେ ପାରୁଛ ।
ମୋତେ ମୃତ୍ୟୁର ଘାଟରେ ପହଁଞ୍ଚାଇ ଦେଇ
ଯଦି ଜିଇଁବାକୁ ଚାହୁଁଛ
ତେବେ ଗଢିଦିଅ ନିଜ ହାତେ
ମୋ ପାଇଁ ସମାଧିଟାଏ
ଆଉ ନିଜ ପାଇଁ ତାଜ୍ ଟିଏ ।