ଲାଇବ୍ରେରୀ
ପ୍ରୋଫାଇଲ୍
ଯାହାକୁ ଜୀବନେ ପାଇଥିଲି ଭଲ
ଯାହାକୁ ଜୀବନେ ପାଇଥିଲି ଭଲ
1 min
396
ଯାହାକୁ ଜୀବନେ ପାଇଥିଲି ଭଲ
ସେ ତ ଦେଲା ନାହିଁ ମୂଲ,
ନିଜର ବୋଲି ମୁଁ କରିଥିଲି ତାକୁ
ମାନିଲାନି ମୋର ବୋଲ। ୦।
ପିଛିଳ ପଥର ଥମିଲା ପାଦରେ
କେଉଁଠି ଗୁଞ୍ଜିବି ମଥା,
କହିପାରୁ ନାହିଁ ସହିପାରୁ ନାହିଁ
ମରମ ତଳର ବ୍ୟଥା।
ଯାତନାର ଯୂଇ ଜଳୁନି ଜାଳୁଛି
ହେଉଅଛି କଲବଲ। ୧।
ଛାତି କୋହକଥା ଲୁହ ମାନୁନାହିଁ
ଅବୁଝା ହେଉଛି ଅତି,
ମହୁଆ ପ୍ରୀତିର ମହୁଲିକୁ ପିଇ
ପୂହାଉଛି ନିତି ରାତି।
ଯାଚି କେ ଦେଉନି ମାଗିଲେ ମିଳୁନି
ସ୍ନେହ ମମତାର ମୂଲ। ୨।
