ଲାଇବ୍ରେରୀ
ପ୍ରୋଫାଇଲ୍
ପ୍ରେମ ବାରି ଧାରା
ପ୍ରେମ ବାରି ଧାରା
1 min
239
ମନେପଡେ ଆଜି ରଙ୍ଗବତୀ କଥା
କାହାଣୀଟି ସ୍ଵପ୍ନ ଭରା,
ଆମ ଗାଁ କନିଆ କନକ ଗୋରୀ ସେ
ଭାରି ରୂପବତୀ ପରା ।୦।
ବେଣୀକି ହଲାଇ କାନିକୁ ଉଡାଇ
ଚାଲଇ ଯେବେ ସେ ବାଟ,
ନିତମ୍ବ ଦେଶ ଯେ ଚହଲି ଉଠଇ
ଟୋକାଙ୍କର ଲାଗେ ହାଟ।
ଖିଲିଖିଲି ହସି ଟାହୁଳ ହୁଅନ୍ତି
ଲାଜେ ହୁଏ ଦରମରା। ୧।
ରୂପ ଲାବଣ୍ୟରେ ଭରା ଯୌବନରେ
ଉକୁଟି ଉଠଇ ରଙ୍ଗ,
ଗୋରୀ ଚମଡିକୁ ତନୁ ପାତଳୀ ସେ
ଫୁଟି ଦିଶେ କୋମଳାଙ୍ଗ।
ଆଖିରେ ଆଖିଏ ମାଦକତା ଭରେ
ବହେ ପ୍ରେମ ବାରି ଧାରା। ୨।
