ଲାଇବ୍ରେରୀ
ପ୍ରୋଫାଇଲ୍
ବିଶ୍ବାସଟି ତୁମେ କର କି ନକର
ବିଶ୍ବାସଟି ତୁମେ କର କି ନକର
1 min
144
ବିଶ୍ବାସଟି ତୁମେ କର କି ନକର
ଏହା ହିଁ ତ ଧ୍ରୁବ ସତ୍ୟ,
ମରିବି ନିଶ୍ଚେ ମୁଁ ଆସନ୍ତା କାଲିକି
ହେବିନି ଯେ ଆଉ ସ୍ପୃଶ୍ଯ। 0।
ତୁମେ କି କାନ୍ଦିବ ନା ଯିବ ସାଥେ ମୋ
ପାରିବନି ତାହା କରି,
ସାଥି ଦେଇପାର ମଶାଣି ଭୂଇଁକୁ
ଶୋକ ପାଳି କିଛି ଘଡି଼।
ଶ୍ରଦ୍ଧାଞ୍ଜଳୀ ତୁମ ଫୁଲମାଳ ହାତେ
ହୋଇପାରେ ମୋର ପ୍ରାପ୍ୟ ।୧।
ତା'ପରେ ଭୁଲିବ ଭୁଲିଯିବ ମୋତେ
ତ୍ୟାଗ ବଳିଦାନ ଯେତେ,
ଭୁଲିବ ମୋ ପ୍ରେମ ଭଲ ପାଇବାଟି
ଫେରାଇ ନଦେଇ ଏତେ।
ଧନ୍ୟବାଦ କିନ୍ତୁ ଦେବାକୁ ନଥିବି
ତୁମେ ଶାନ୍ତି ମୋର କାମ୍ୟ । ୨।
