ଉଚ୍ଚାରଣରେ ବେଶି

ଯୁଦ୍ଧର ତାଣ୍ଡବ ଠେଲି

କୁହୁଡି ଆସ୍ତରଣ ପେଲି

ଶିତୁଆ ଶିହରଣ ମେଲି

ବୋଧେ ଅମୃତବେଳା ଆସିଛି 

ପଲ୍ଲୀରୁ କମ୍ ଦିଲ୍ଲୀରୁ ବେଶି

ନୂଆବର୍ଷ ମହମହ ବାସୁଛି

ଇତିହାସର ନୂଆ ପୃଷ୍ଠା ଓଲଟେଇ

ଅସୁମାରୀ ସ୍ପପ୍ନକୁ ପାପୁଲିରେ ଥୋଇ

 ଶୁଖିଲା ପତ୍ରକୁ ପାଦରେ ଆଡେଇ

ବୋଧେ ନୂଆ ସକାଳ ଆସିଛି

ଗରିବ ଘରେ କମ୍ ଧନୀ ଘରେ ବେଶି

ନୂଆବର୍ଷ ପାଳନ ହେଉଛି

ହୁଗୁଳା ସଂପର୍କରେ ନୂଆ ରଙ୍ଗବାସ ଲଗେଇ

ବିଭିନ୍ନତାରେ ଏକତାର ମହାମନ୍ତ୍ର ବୁଣିଦେଇ

ବସୁଧୈବ କୁଟୁମ୍ବକମ୍ ରଙ୍ଗୋଲି ବନେଇ

ବୋଧେ ଜାନୁୟାରୀ ଏକ ଆସିଛି

ଆଚରଣରେ କମ୍ ଉଚ୍ଚାରଣରେ ବେଶି

ନବବର୍ଷ ଧରାରେ ପାଦ ଥାପିଛି